मागच्या सेमिस्टरच्या परीक्षा संपून पार महिना होत आलाय, हं तसं कॉलीज आता सुरू झालं असेल देखील. पण ग्रुपमधले सगळे मित्र-मैत्रिणी सोमवारपासून रेग्युलर जॉइन करणार आहेत म्हणे, मग मी एकटंच जाऊन कशाला नाहक घोडं मारावं म्हणून अगदी मनात असूनसुद्धा कॉलीजला जायचं टाळलं. मग काय, कंटाळा-कंटाळा, काय दिवस आहेत, शिटऽऽ! असं कधी कोणाच्या बाबतीत घडू नये.
हं पण खरं सांगायचं झालं तर—हे केवळ गेल्या एक-दोन दिवसांपूर्वीपासूनच वाटायला लागलंय मुळात.
अनपेक्षित घडणाऱ्या अगदी क्षुल्लक सबबीमुळे देखील कंटाळ्याचे सावट मावळून काहीतरी करण्याची तरतरी येते याची आत्ता जाणीव झाली. बाकी व्यवस्थित.
प्रतिसाद नोंदवा: